小朋友参加香港幼稚园面试都遇到哪些好笑又好玩的情况呢？

　　又到了幼稚园面试慨旺季，听到身边朋友都为拍片而烦恼，庆幸前两年不用拍片，所以孖妈未经历过。
　　不过我也经历过实体面试。其实在上一篇文章我也曾提过本来我只为孖宝报了2间幼稚园，不是最热门的名幼。
　　那2间幼稚园的面试只是普通让小朋友玩玩具和与家长谈谈教育理念，所以轻轻松松就收了。
　　后来，听人点解唔试吓报最top嗰几间名幼呀?
　　唔….其实开头无话特别想报，因为我觉得有时历史悠久慨学校不忧收生，反而无咗团火。以前我只喺普通学校教，但学校为咗收生会付出很多，亦眼见老师们也很出色和用心教学。所以我睇慨唔系「名校慨光环」。
　　但因为d间名幼喺最后先截止报名，而且听闻教书朋友也力赞，很多老师朋友慨仔女都喺度读，所以谂住去见识吓。
　　结果真系令我大开眼界!而且我经历的过程也笑料十足。
　　第一)「中伏」…「十面埋伏」?
　　首先，未正试面试前，各家长都入咗面试whatsapp group互相交流。有人会先面试，之后就会分享所见所闻和所想。
　　有家长会说笑或是认真地讨论那一处是「伏位」。有人说笑喺lift内的闭路电视已被老师监察着，之后又说indoor playground是一个「大伏」，睇吓边个小朋友喺等候期间会忍唔住走入去玩，同埋睇吓小朋友识唔识自己着鞋同除鞋。
　　再之后喺排队等候入去填问卷时又睇吓小朋友有冇同家长一齐排好，小朋友又会唔会扭抱。如果家长抱起小朋友就「输了」!
　　到最后，家长在填问卷时，小朋友抢家长支笔又「输了」。如果俾小食小朋友又会被「扣分」!
　　哗~咁讲法，真系「十面埋伏」，好难唔会被「扣分」!
　　解说:
　　1)如果喺部lift里面，老师都要监察住面试生，咁真系要好几个人帮手轮流当值。而且老师做埋「看更」嗰份呢…….
　　2)我可以话俾你知，以我系个做咗十几年教师慨老师解说，老师都只系普通人，喺冇笔记录慨情况下唔会咁好记性，记得边个走入indoor playground玩(其实当日眼见每个小朋友都有入去玩)、边个识着鞋和边个识除鞋等等。除非个小朋友做些好过分的事，如尖叫，老师就会特别留意。另外，「爱玩」是小朋友的天性，对一个可能两岁都未够慨小朋友嚟讲，要渠见到playground，而又冇其他嘢玩或做时，点样可以忍到唔好玩呢??至于除鞋和着鞋，我都有听过有d学校真系会用来计分，但由于当日我要返工，衣着(其实有拣定衫，但无拣鞋)交给照顾者，好日都唔着对有绳慨鞋，但偏偏嗰日着咗呀!!!我系咪玩完?但都系嗰句，老师手上无写板喺手，咁多组咁多不同时段，点记到咁多人?老师当值慨任务只系点名和分组呢!
　　3)最后一部分系要喺课室门口排队等候入去填问卷，此时相信大部分小朋友也会累了。要一个可能未到两岁慨BB排队?排一阵可能得，但可能要5分钟或以上就未必得。结果，渠哋喺课室外的大走廊跑了几转。小朋友慨天性就是爱跑好动，多天真呢!他们真的好好演译咗天真活泼的小朋友角色…哈哈!后来，又跑回课室门口，要求我抱渠哋从窗口睇下入面，渠哋都只系好奇啫，只要唔影响其他人就ok。而且渠哋真系有些倦又想嗲吓妈咪，我有抱咗一阵….哈哈~
　　4)如果喺课室内食嘢好似唔系咁好，都惊整污糟地方，所以我冇带嘢食。惊小朋友会抢咗支笔就最好两手准备，带多支笔和纸俾小朋友画吓，又或者带些图书俾小朋友静静自己睇书也是一个不错的方法。

　　第二)工人姐姐带小朋友去面试??

　　因有whatsapp group慨关系，面完试当日有人说见到有人「好勇」，派工人姐姐带小朋友「出战」。我都自动献身话系我嚟架!
　　解说:因为我要带两个去面试，爸爸又请唔到假，唯有带姐姐去帮手。全场真系得我家姐姐咋…哈哈~

　　第三)衣着高贵，最好配备名牌手袋

　　Sorry,我真系无…当日下雨天，所以我穿咗皮靴和长裤，仲有普通冷衫，背住背包，算是整整齐齐，但一定无「显富」!(虽然我也不是富有)
　　解说:如果只收富贵人家，咁间学校都唔系我想拣慨(而且我们根本不富贵…哈哈~)。衣着整齐大方就可以吧，又不是去ball场呢!

　　第四)小朋友跌倒，你会点处理?

　　系排队等候入课室时，有小朋友在门外跌倒。那家长当时同小朋友大约相距一点五至两米，那位妈妈没有走近小朋友，只叫小朋友:「冇事!自己起身」，但小朋友无郁过，继续扒咗喺地下。那位妈妈今次用更坚定的语气同小朋友讲「自己起身!!」。我感受到那家长很大压力，惊小朋友自己唔识起身，被老师看到会被「扣分」。(当时老师就看着)
　　解说:我觉得小朋友跌倒而自己唔识起身未必会被「扣分」。再者如果个小朋友痛到喊就被「扣分」，咁间学校真系要谂吓适唔适合。都系嗰句，一个两岁都未必够慨小朋友，为何要要求咁多呢?跌倒了，我不知道他的伤势如何，为何不走上前先关心小朋友。如果小朋友真系无事，再请他自己起身，然后再称赞小朋友。这样看来，家长是关心小朋友而小朋友又能自己做得到。看来各位也太紧张了!

　　第五)有冇上那校的playgroup呀?

　　系whatsapp group各人会讨论研究系唔系读嗰间学校慨playgroup会增加收读慨机会呢??
　　解说:某些学校真系讲到明，所以playgroup也争崩头。但依间根据众人赛果慨检讨，又冇乜关系喎。依间学校注重透明度和公平性。在我角度来说，读其playgroup某程度上对interview真系会有些帮助，起码减少小朋友对陌生环境慨不安先。而且当日慨hello song和task 1听其他家长说正正就系平时playgroup学过的。不过冇上过也不用太担心，因为学校都系考d普通常识。亦有家长表示报读了该校playgroup，小朋友已识跟着hello song跳舞，当天在门外也闻歌起舞，但到自己入去面试呢…..竟然郁都唔郁。所以都系要睇当时那刻的表现。

　　第六)活泼好动定坐定兼文静?

　　面试当天真系笑料百出。Task 1:老师会俾小朋友一种动物BB公仔，要求小朋友说出名后再到农场找其母亲配对。小儿天性爱玩，竟然把动物BB以投篮的方式放进农场(可能睇爸爸打波波多?)，但又俾佢投中……
　　到Task 2，要一个家长陪一个小朋友回答老师问题。当我同囝囝面紧试时，囡囡和工人姐姐坐在另一张台。但由于女儿又黐我，大叫「妈咪」~~~即时见到老师系个file写嘢，d下可能真系被「扣分」乎??
　　到咗2nd interview(竟然有2nd in)，各小朋友也在玩具房玩玩具，老师在旁观察。我个女真系好厉害，几乎每个小朋友慨玩具都被渠抢过…….oh no…….到要召入校长室时，阿囡唔肯走，今次感到d个真系一个「伏位」。
　　解说:学校是社会的缩影，各人有不同的性格。相信学校会接收不同性格慨学生。学校反而想见到「真实」慨一面多过「矫揉造作」。小朋友有少少贪玩是正常吧，又不是机械人。小朋友黐妈咪也很正常。小朋友抢玩具更是十分之普遍，尤其两岁或以下，仍活在「自我中」。我想学校是想看看家长如何处理和析解!
　　最后阿囡点解肯离开玩具房?
　　我话我哋去第二度玩，结果校长室真喺有玩具俾小朋友玩，咁样家长就可安心同校长倾计。当然家长最好两手准备，带备私伙以备不时之需。

　　第七)孖慨乜都要两份

　　话说1st in最后一部分系填问卷，今次真喺考起我喇!其他人填问卷也要速战速决，我仲要填2份，用2倍时间。内心祈求小魔怪此时不要扭眼瞓发癫。幸好顺利完成(其中一份系抄的)。
　　解说:为何要填2份一样?因为2个人也要2份申请表，会有两个files，所以问卷都要2份啰。好彩我抄得快~
　　最后结果如何?
　　好幸运地，间学校收咗孖宝。
　　现在两个小朋友都系依间学校读得很开心，真系名不虚传，系一间非常好慨学校!
　　各位加油呀~我认为面试时最紧要「放松」，无论小朋友定家长都做番自己，就能找到一所「情投意合」的学校。
　　有时候，当你以为「唔得」时，到最后可能又会有「惊喜」~祝大家好运~
　　以上纯属个人意见，只供参考。
　　希望各位看完后，当笑话看又好，有所得着更好，谢谢!
　　♥️你们的支持是我继续写blog的动力，非常感谢你们like了我的fb专页和ig♥️
　　我是前教师和各大亲子网站的驻站博客，好欢迎您like and follow了解更多育儿教育资讯、亲子食谱和好去处等

　　作者：龙凤孖妈，文章来源于Oh!爸媽，如有侵权请联系删除

　　亿米国际服务社，14年香港学位申请操作经验，申请香港学校，我们可以帮您：申请表填写技巧+简历包装+面试培训+英语辅导+粤语辅导+香港小学优化配置等，大大提高申请成功率。